Рубрики

Новость часа

МахIмудова ПатIимат

Автор МахIмудова ПатIимат

Ноябрь 19, 2014
Полиция цIидасан лъималазул ахалгун багъулеб буго

МахIачхъалаялда бугеб хIукуматалъул гуреб «Цветы жизни» абураб лъималазул ах хIалтIизе толеб гьечIила низамцIунулезин абун лъазабулеб буго гьелъул бетIергьабаз. 22 къоялъ полициялъул хIалтIухъабаз квалквал гьабулеб бугила жидер хIалтIуе, гьелъие кинал гIиллаби ругелалиги бичIчIизабулеб гьечIила гьезилан абун лъазабулеб буго лъималазул ахил бетIергьабаз. Гьез бицухъе нужеца щиб гьабуниги, ах хIалтIизе тезе гьечIин жидецайин абун, хIинкъалаби кьун, хъачIго кIалъан, гьенире лъимал щвезарулел умумулгун кьалда рагIула низамцIунулел.
Ноябрь 18, 2014
«Намус цIунун» чIварал ясазул къадар цIикIкIунеб буго

Талат къоялъул къаси Гъуниб мухъалда полициялъ ккун вуго жиндирго яс чIваялда щаклъи бугев чи. НизамцIунулезул мухIканал гурел баяназда рекъон ясалъул квешаб хьвада-чIвадиялдаса разигьечIого вукIун вуго эмен, гьелъие гIоло гьабунги буго гьес такъсир. Гьединал чIвай-хъвеял Дагъистаналда къойидаса къойиде цIикIкIунел рукIаниги, гьезул гIемерисезул хIакъалъулъ лъазе толарин гIагарлъиялъ, такъсиргьабурав чиги гьез вахчулин рикIкIунеб буго экспертаз.
Ноябрь 17, 2014
Нугъаял цIидахъан ритIухълъи балагьун къватIире рахъана

Исана 6 октябралда, Нугъай мухъалъул полициялъул бутIаялда жанив чIварав, гIолохъанчиясул гIагарлъиялъ тIалаб гьабулеб буго гьеб такъсир гьабурав чи туснахъалда тIамейилан. Гьев васасда таманча речIчIиялда щаклъи бугев низамцIунулесда, гIайиб гьечIолъи чIезабизе къваригIун бугила къуваталъул идарабазе, гьединлъидал гьез цIех-рехалъул иш букIине кколедухъ гьабулеб гьечIилан лъазабулеб буго гьез. Жидерго тIалабал загьир гьарун, чIварасул гIагарлъиялъ 15 ноябралда Терекли – Мектеб росулъ митингги тIобитIана.
Ноябрь 15, 2014
«ГIорхъаби лъалареб экспозиция»

Гьал къоязда Каспийскалъул тIоцебесеб галереялда унеб буго Шималияб Кавказалдаса гIолохъанал художниказул хIалтIабазул экспозиция. Гьеб гьанжезаманалъул искуссвоялъул выставкаялда ругел хIалтIаби цогиязда релълъинчIел, цере рихьизаризе нечон яги хIинкъун рукIаралгIадал ругилан бицана художниказ. Выставка гIуцIаразул пикруялад рекъон гьеб проекталъ художниказе эркенлъи кьун буго, жидеего бокьахъин рекIел хIал къватIибе кьезе ва гьеб бихьизабизе рес щун буго гьеб экспозициялда.
Ноябрь 12, 2014
РакъунчIеялъул акция "гIатIилъулеб" буго

Дагъистаналда халатбахъунеб буго республикаялъул бетIерасде данде лъазабураб ракъунчIей. Гьеб акция байбихьарал жамагIатчагIазде тIаде гьебго ракъунчIей лъазабун буго жидер ракьал нахъруссинарейин лъугьарал лъарагIаразги. Дагъистаналъул тIалъиялъул вакилзабаз абулеб буго акциячагIаз жидергун гьабураб къотIи-къай хвезабулеб бугилан, гьез гьанже тIалъиялдехун шантаж хIалтIизабулеб бугилан.
Ноябрь 11, 2014
Сапият МaхIамадовалъ цIидаса "рахIат хвезабун" рагIула полициялъул

Информалатаздасан Казбек мухъалъул полициялъул хIалтIухъабазул къимат-къадру хвезабулел лъазабиял гьарунин абун, Дагъистаналъул жанисел ишазул министерлъиялъ адвокат Сапият МухIамадова диваналде кьун йиго. Адвокат гьеб хIукмуялда рази гьечIо, гьелъ лъазабулеб буго гьеб кьучIгьечIеб гIайиб бугила, жиндица жанисел ишалазул идарабазул хIалтIухъабаз къанун хвезабиялъул гIемер хIужжаби къватIир чIвазарулелъул, жиндие квешезего хъвараб гIарза бугин гьебилан.
Ноябрь 10, 2014
Ракъун чIараз хIукму хисизабуна

10 ноябралъул къаси заманалъ гьорькоб къотIизе тана Дагъистаналъул бетIер ГIабдулатIипов Рамазаниде данде тIобитIулеб букIараб ракъунчIеялъул акция. Гьелъие гIиллалъун ккун буго республикаялъул нухмалъиялъул вакилзабаз ракъунчIараз рорхарал суалазул халгьабизе ва гьел тIуразе нухал ралагьиялъе хассал комиссиял гIуцIи. АкциячIагIаз лъазабулеб буго тIалъиялъ гIагараб заманалда жидер суалал роцIцIинариялъе жигараб хIалтIи байбихьичIони, жидеца ракъунчIей цIидасан байбихьулилан.
Ноябрь 07, 2014
"Рокьул лъаббокIоналда" сверун скандал

Дагъистаналъул полициялъ ккун вуго МахIачхъалаялдаса адвокат ва гьесул гьалмагъ. Хасал идарабаз лъазабухъе, гьел кIияздаго щаклъи буго чи вухиялда, гьесие жинсияб инжилъи гьабиялда ва гьев талавур гьавиялда. Диваналъ гьезда гIайиб букIин чIезабуни 15 соналъул туснахъ къотIизе рес буго гьезие Россиялъул къануналда рекъон.
Ноябрь 06, 2014
Лъималазул ахикь ралагьулел «рохьилал»

МахIачхъалаялда Некрасовасул къотIноб бугеб хIукуматалъул гуреб лъималазул ах полициялъ анкьица хIалтIизе биччалеб гьечIо. Низам цIунулез цин тIалаб гьабун буго гьенир хIалтIулелщиназул ва лъималазул умумузул баянал, гьезда гьоркьоса чIегIераб хIижаб ретIаралщинал хIалтIудаса нахъе реххейин ва гьединазул лъимал ахикье росугейин лъазабун буго. Гьедин абулеб буго лъималазул ахалъул нухмалъиялъ.
Ноябрь 05, 2014
Дербенталда парахалъи гьечIо

Дербент мухъалъул нухмалъи хисиялда бан мухъалъул жамагIат кIийиде бикьун буго ва тIолабго мухъалдаго хIалуцараб ахIвал-хIал жеги цIунун буго. Гьедин лъазабулеб буго бакIалъул гIадамаз. Гьез абулеб буго мухъалъул бетIер хисиялда бан гьениб гъалмагъир ккеялда хIинкъи бугила жидерилан.
Ноябрь 04, 2014
МахIачхъалаялда «Музеязул сордо» кIодо гьабуна

3 ноябралъул къаси МахIачхъалаялъул музеяздагун галереязда тIобитIана «Музеязул сордо». Гьеб сордоялъ, тIолабго Россиялдаго гIадин, МахIачхъалаялъул музеял рогьинегIан чIобого хIалтIулел рукIана. Республикаялда тIоцебе тIобитIулеб гьеб акциялъулъ 400-гIан чияс гIахьаллъи гьабунин лъазабулеб буго Дагъистаналъул маданияталъул министерлъиялъ.
Ноябрь 03, 2014
«Чехьалда къоноги бан» ритIухълъи балагьулел

Дагъистаналъул бетIерасул гIакълучи Денга Халидов итни къоялда дандчIвана республикаялъул бетIер ГIабдулатIипов Рамазан хъулухъалдаса ин тIалаб гьабун ракьи лъазабуралгун. Гьеб акция халат бахъунеб буго кIиабилеб анкьалъ. Денга Халидовас ракъун чIаразда лъазабуна гьезул суалал ракъи лъазабунин абун тIубаларин ва гьел роцIцIинариялъе Дагъистаналъул тIалъиялъ кIвар кьезе бугин.
Ноябрь 01, 2014
Гьаб нухалда халкъалъул цолъи полициялдаса бергьана

Рузман къоялъ МахIачхъалаялъул Венгерских Бойцов къотIноб бугеб мажгиталде рачIарал гIадамаздаги полициялъул хIалтIухъабаздаги гьоркьоб тунка-гIуси ккун буго. Гьелъул хIасилалда низамцIунулез 5 чи ккун вуго.
Октябрь 31, 2014
ГIабулатIиповасде данде лъазабураб ракъунчIчIей халат бахъунеб буго

МахIачхъалаялда халат бахъунеб буго Дагъистаналъул жамагIатчагIаз республикаялъул бетIер ГIабдулатIипов Рамазан хъулухъалдаса вахъи тIалаб гьабун лъазабураб ракъунчIчIей. 31 октябралда гьеб акциялъулъ гIахьаллъи гьабулезул къадар 7 чиясде ккун буго, амма гьезул къадар цIикIкIине бугин лъазабулеб буго жамагIатчIагIаз.
Октябрь 25, 2014
Б. Зайонц: «Халкъал рикьизаризе тезе бегьуларо тIалъиязе.»

Гьал къоязда Дагъистаналде щвана Польшаялдаса жамгIияв хIаракатчи Магъриб ва Машрикъ цоцаде гIагарлъиялъе, гьезда гьоркьор цIикIкIун бухьенал рукIиналъе хIалтIи гьабулев Блажей Зайонц. Гьесул хIалтIуда , дунялалда бугеб сиясатияб ахIвал-хIалалда , ва халкъал цолъизариялъулъ жамгIиял идарабазул хIалтIулца кколеб бакIалда хурхун чанго суал кьуна гьесие нижер мухбир МахIмудова ПатIиматица.
Октябрь 24, 2014
Лицеялдаса Маданияб академиялде... улбузул "семигун"...

МахIачхъалаялъул 9 лицеялъул бакIалда маданияталъул академия рагьизехъин букIиналдаса разигьечIо гьенир цIалулел ругел лъималазул умумул. Гьез лъазабулеб буго жидер лъималазул цIалиги хвезабун рагьизе кколеб жо гурин гьеб академияйилан. Гьелда разигьечIолъиги загьир гьабун, лицейги бугеб хIалалъ тейин, гьелъул минаги академиялъухъе кьогейин абун тIалаб гьабун цIалдохъабазул умумуз кагътIал хъван руго Россиялъул президентасухъе ва премьер-министрасухъеги.
Октябрь 23, 2014
ГI. Ибрагьимов: "НекIсияб Дербенталъул куцалъе хIинкъи буго."

23 октябралда Дагъистаналде иргадулаб нухалда вачIун вуго Россиялъул президентасул Шималияб Кавказалъул Федералияб округалда вугев вакил Сергей Меликов. Гьев вачIиналъе гIилла бугила 2015 соналъ кIодо гьабизе бугеб Дербенталъе 2000 сон тIубаялда хурхун тIобитIулеб байрамалде кин хIадурлъи унеб бугебалиян, лъазабулеб буго гьесул пресс-хъулухъалъ. Гьеб байрамалде Дербент къачIалебинги абун шагьаралъул тарихиял бакIал риххизарулел ругин абун рахIатхвезабун буго тарихчагIазулги.
Октябрь 22, 2014
Временный: зазхараб кварида нахъ

Унсоколо мухъалъул Временный росу зазхараб маххул кварица сверу ккун бугилан лъазабулеб буго бакIалъул гIадамаз. Гьединго росулъ мобильнияб бухьен лъикI хIалтIулеб гьечIин, гьениб лъугьа-бахъунелъул журналистазе бицинеги къуваталъул идарабазул хIалтIухъабаз жидее гьукъулеб бугин абулеб буго гIадамаз. Гьезул рахIат хун буго лъимал моцIгIанаб мехалда школалде инчIого хутIиялъ ва унтарав чиясде ахIун бачIараб хехаб кумекалъул автомобильгицин росулъе биччангутIиялъги.
Октябрь 21, 2014
ДГПУ: студентаз лъазабулеб буго ракъунчIеялъул акция

Дагъистаналъул педагогикияб университеталъул инженерно-педагогикияб ва технолого-экономический факультетал цолъизариялдаса студентаз загьир гьабураб разигьечIолъи халат бахъунеб буго. Гьез тIалаб гьабулеб буго факультетал рукIахъин тезе, жидер мурадал тIурачIони жал ракъунчIей лъазабизецин хIадур ругин абулеб буго гьез.
Октябрь 20, 2014
Р. Мирзаханов : "Щай кидаго къуваталъухъ букIунеб "хIакъикъат?"

Табасаран мухъалда чIварав Рамис Мирзахановасул гIагарлъиялъ лъазабулев буго гьев къуваталъул идарабаз мекъи ккун чIван вугин, амма гьеб ишалъе мукIурлъизе бокьичIого низамцIунулез гьев экстремистасе кумек гьабулев вукIанин чIезабулеб бугилан. Гьелда разигьечIеб чIварасул гIагарлъиялъ Россиялъул президентасухъеги, жанисел ишазул министрасухъеги кагътал хъван руго.

Загрузить еще

XS

SM

MD

LG