Рубрики

Новость часа

МахIмудова ПатIимат

Автор МахIмудова ПатIимат

Январь 22, 2015
Эрадил Асанов чIварасе тамихI гьабизе букIиналда щаклъи буго гьесул гIагаразул

2014 соналъул октябралда Нугъай мухъалъул полициялъул бутIаялда чIварав гIолохъанчиясул гIагарлъиялъ лъазабулеб буго, гьеб такъсиралда хурхун букIине кколеб цIех-рех гьабулеб гьечIин. Гьев вас чIваялда щаклъи бугев полициялъул хIалтIухъан январь лъугIилалде аресталде гъоркье восичIони, цIидасан митингазде рахъине ракIалда буго гьезда.
Январь 20, 2015
Цо-цо нухалда харбазда нахъа хьулалги рукIуна

Дагьаб цебегIанги цIидахъан Дагъистаналда тIиритIун рукIана республикаялъул бетIер Рамазан ГIабдулатIипов хъулухъалдаса вахъизе вугин абурал харбал. Гьел кьучIгьечIел харбал ругин абулеб буго цо-цо экспертаз, цойгидаз рикIкIунеб буго гьедин Дагъистаналъул бетIерасул хIалтIудаса разигьечIолъи загьир гьабулеб бугин халкъалъилан, гьезда ГIабдулатIипов чIалгIун вугилан.
Январь 16, 2015
Гьанже зоб Дербенталдехун гъугъазехъин бугила…

Хамиз къоялъ Дербенталъул администрациялда къуваталъул идарабаз чIухь бай ва гьенисе хасал документал рахъун иналъе аслияб гIиллалъун бугила гьеб шагьаралъул мэрлъун вукIарав Имам Яралиевас хIукуматалъул бугоялъилда сверун хIилла-рекIкI гьабийилан абураб буго экспертазул. Шагьаралъул администрациялъ лъазабулеб буго къваригIарал документалги росун, низамцIунулел берцинго нахъе анила, гьез щивниги кквечIила, администрациялъул хIалIтIиги хвезе гьабичIилан.
Январь 15, 2015
Дагъистаналда цIияб сон полициял жавабалде цIаялдасан байбихьана

Гьал къоязда Дагъистаналъул жанисел ишазул идарабазул щуго хIалтIухъанасда тIад рагьун буго такъсир гьабиялъул иш. Гьезул цоязда ришват тIалаб гьабиялъул гIайиб гIунтIизабулеб буго, цойгидал, нухда авария ккараб бакIалда, чи хвеялъул баянал рахчиялъе гIайибиял ругин рикIкIунеб буго цIех-рехчагIаз. Дагъистаналъул жанисел ишазул министрелъиялъ лъазабулеб буго гьел киназего букIине кколеб тамихIги гьабизе бугилан.
Январь 14, 2015
Е. Денисенко: «ГIарзал хъвачIого дица тезе гьечIо»

Терроризмалъулъ гIахьаллъи гьабиялда щаклъи букIун ккурай Кироваул росулъа Насибова ПатIимат цойги моцIицаги туснахъ гьайизе хIукму къотIана. Гьелъул адвокаталъ лъазабулеб буго цIех-рех чагIаз къанунги, гIадлуги хвезабун гьабулеб бугила гьеб ишалда сверун хIалтIийилан. Гьез Насибовалъул ва гьелъул гIагарлъиялъул лъавукълъиялдаса пайдаги босун жидеего бокьухъе нухда бачунеб бугила гьелъул иш.
Декабрь 27, 2014
"Куклоград" - ясикIабазул шагьар

Гьал къоязда МахIачхъалаялда байбихьана «Куклоград» абураб ясикIабазул экспозиция. Гьеб тадбиралъулъ гIахьаллъи гьабулеб буго Дагъистаналдаса 28 батIияв художникас. Экспозициялда рихьизарун ругел ясикIаби гьарулаго художниказ хъабхъидаса бахъараб маххуде щвезегIан батIи-батIиял сурсатал хIалтIизарун руго.
Декабрь 26, 2014
Полициялъулазе хIинкъи бугев арестант

Терроризмаялде хурхен букIиналъул щаклъи бугин абун, Москваялда ккун ва жаниве тIамураб бакIалда бадиб щакъидул къалам къазабун, моцIица комаялда вукIарав дагъистанияв азарханаялдаса туснахъалде щвезавун вугин лъазабулеб буго информалатаз. Амма низам цIунулез хIаракат бахъулеб бугин гьев вугеб бакIалъул балъголъи гьабизе, гьес жиндиего гIазаб кьуразул цIарал къватIир чIвазаризе бегьиялдаса хIинкъунин, рикIкIунеб буго гьесул гIага-божараз.
Декабрь 25, 2014
ХIакъикъаталде нух ракъун чIун халат бахъинабизе буго моцIидаса

23 декабралдаса нахъе жидее кколел ракьал тIалаб гьабун ракъунчIеялъул акция лъазабун букIарал ЦIияб Лак мухъалъул гIадамаз акция цо моцIица гьоркьоб къотIизе тун буго. Амма гьелда хадуб жидее чIван-къотIараб жаваб кьечIони, жидеца дагьалъги гIатIидаб акция тIобитIизе бугин рагIи кьун буго гьез.
Декабрь 23, 2014
РичIчIинищ гIорцIаразда ракъарал?

24 декабралда ЦIияблак мухъалдаса МахIачхъалаялде аскIоре гочинарурал тумазул руччабаз лъазабун буго ракъунчIей. ХIукуматалъ жидее букIине кколеб ракьги, гIарацги, минабиги кьолеб гьечIила 15 соналъ, гьезда жидер божилъиги хун бугилан, гьединлъидал гьел тIалабал загьир гьарун байбихьанила жидеца акцияйилан лъазабулеб буго ракъунчIараз.
Декабрь 12, 2014
С.МухIамадова: «Релъизе гуреб жо гьечIо гьеб диваналда»

Хасавюрталъул диванханаялда халат бахъунеб буго адвокат Сапият МухIамадовалъ Казбек мухъалъул полициялъул хIалтIухъабазул къадру хвезабулел лъазабиял гьарун ругин абун, Дагъистаналъул жанисел ишазул министерлъиялъ гьелдасан хъвараб гIарзалъул халгьаби.
Декабрь 10, 2014
Р.ГIабдулатIипов: «Жакъа флешкабаздалъун гIадамал хIинкъизарун бажаруларо»

9 декабралъул къаси МахIачхъалаялда къуваталъул идарабазул хIалтIухъабаз чIван вуго «МахIачхъалаялъулабин» абулеб изну гьечIого яргъидгIуцIаразул къокъаялъул бетIер. Россиялъул терроризмалде дандечIараб идараялъул баяназда рекъон гьев батIи-батIиял вахIшиял такъсирал гьариялъухъ кIиго соналъ федералияб цIех-рехалда вукIун вуго.
Декабрь 09, 2014
МахIачхъалаялда биххизабун буго изну гьечIого бараб 100-гIан бакI

9 декабралда МахIачхъалаялъул адмниистрациялъ биххизабун буго «Кавказ» федералияб нухлул рагIалда хасаб изну гьечIого бан букIараб анлъго бакI. Гьениб нух кIодо гьабиялъе квалквалал гьарулел 20 ниги бакI биххизабун букIана цебеги. Шагьаралъул нухмалъиялъ лъазабулеб буго хасал документал гьечIел яги МахIачхъалаялъул берцинлъи хвезарулел, нухал цIигьариялъе квалквалал гьарулеб цохIониги бакI биххизабичIого тезе гьечIилан.
Декабрь 05, 2014
Эрадиль ХIасанов чIваялъул "балъголъи" баянлъизабулеб буго экспертизаялъ

Гьал къоязда хасаб экспертизаялъ чIезабун буго кIиго моцIалъ цебе Нугъай мухъалъул жанисел ишазул бутIаялда полициялъул хIалтIухъанас, гьебго мухъалдаса 22 сон барав гIолохъанчиясда, таманча аскIосан речIчIун бугилан. Гьев чIварасул гIагарлъиялъ лъазабулеб буго гьел экспертизаялъул баянаб бихьизабулеб бугила полициялъулас лъачIого гуреб, ургъунго, аскIовегIанги вачIун речIчIун букIин гьесда.
Декабрь 04, 2014
ГI. Аминат: «ЦIех-рехчагIаз абулеб буго вацас жиндирго бадиб къалам жинцаго къазабунин».

Терроризмалъулъ гIахьаллъиялда щаклъи букIун, Москваялда къуваталъул идарабаз ккурав Дагъистаналдаса ГIалиев МухIамадил чорхол къоанагIан квешлъулеб бугин лъазабулеб буго гьесул гIагарлъиялъ. Ставрополалъул туснахъалъув вукIарав гьев бадиб щакъидул къаламги къан азарханаялде ккун вуго. Къуваталъул идарабаз лъазабулеб буго гьеб ГIалиевас жиндицаго къазабунилан, гьесие живго жиндицаго чIвазе къваригIун букIанилан. МухIамадил гIагарлъиялъ цIех-рех чагIазул гьел баянал гьересиял ругин лъазабулеб буго.
Декабрь 03, 2014
Дербент мухъалъул вукIарав бетIер виччан вуго

Жиндирго хъулухъалдаса букIине кколелдаса цIикIкIун пайда босиялъул гIайибги гIунтIизабун рокъов туснахъ гьавун вукIарав Дербент мухъалъул вукIарав бетIер Къурбанов Къурбан гъоркьлъалие гIарацги кьун къватIиве виччан вуго. Къурбановасул адвокатаз лъазабулеб буго гьеб иш къануналда рекъон тIубазе квалквалал гьарулел ругин республикаялъул тIалъиялъилан.
Декабрь 02, 2014
Туснахъазе гIазаб кьолеб букIиналде кIвар буссинабулеб буго депутатаз

Пачалихъияб Думаялъул депутатаз туснахъазда ругел гIадамал рухулел ва гIакъуба кьолел жанисел ишазул идарабазул хIалтIухъабазе кьварараб тамихI гьабеян тIалаб гьабулеб буго. Гьез рикIкIунеб буго Россиялъул къануналда рекъон гьединал чагIазе бигьаяб тамихI бихьизабун букIиналъ, гьезда жидеца бокьараб гьабизе бегьулин кколеб бугилан ва гьел бигьаго тамихIалдаса рорчIулелги ругилан. Дагъистааналдаги туснахъазда гIазаб кьеялъул хIужжаби гIемер ругин, амма гьелъие гIайибияв цониги чиясе букIине кколеб тамихI гьабичIин ва гьабиги щакаб бугин рикIкIунеб буго экспертаз.
Ноябрь 28, 2014
Бадиб къалам къазабун цIунулеб къанун

Терроризмалъулъ гIахьаллъиялда щаклъи букIун, Москваялда къуваталъул идарабаз ккурав Дагъистаналдаса ГIалиев МухIамадил бадиб къазабураб щакъидул къалам тохтурзабаз нахъе бахъаниги гьев цIакъ захIматаб хIалалда вугин лъазабулеб буго гьесул гIагарлъиялъ. Кин ккараб сах-саламат вукIарав гIолиласул бадибе гьеб къалам?
Ноябрь 27, 2014
Бенефисалде буссараб ГIабдулатIиповасул «чIагояб эфир»

ХIалтIул чиясде ва хIалтIул бакIазде гIагарлъизе кколинги абун 26 ноябралда Дагъистаналъул бетIер ГIабдулатIипов Рамазаница иргадулаб чIагояб эфир тIобитIун букIана 90-билел соназда рехун тараб заводалда ва махсароде абулеб букIана хадусеб эфир хурисан тIобитIизе бугин. АрбагI къоялъул кIиго сагIаталъ халат бахъараб эфиралда ГIабдулатIиповас кинабниги щуго суалалъе гурони жаваб кьечIо. ХутIараб заманалда гьес бицунеб букIана Дагъистан цебетIун бачIине бугеб куцалъул ва росдал магIишат цебетIезабизе ккеялъул. Гьединго бицун буго гендерил жамагIаталъулги тоннел рагьиялъулги.
Ноябрь 25, 2014
Адвокат МухIамадова Казбек мухъалъул полициялде данде

Дагъистаналдаса адвокат МухIамадова Сапиятица рикIкIунеб буго гьелъ жидер къадру-къимат хвезабулел лъазабиял гьарун ругин абун Казбек мухъалъул полициялъул хIалтIухъабаз кьураб гIарза диванчияс къабул гьаби къануналде данде кколарин. Гьелда хурхун диванчиясда тIасан гIарза хъван буго гьелъ Дагъистаналъул диванчагIазул ТIадегIанаб квалификациялъул коллегиялде. Гьединго МухIамадовалъ лъазабулеб буго щиб гьабунги жинда гIайиб гIутIизабизе хIал бихьулеб бугин низам цIунулез, гьелъие гIоло гьез къанунги хвезабулеб бугин.
Ноябрь 20, 2014
Дагъистаналъул лъайкьеялъул министрасда тIад гIакIа къотIун буго

Гьал къоязда Дагъистаналъул прокуратураялъ пачалихъалъе къайи босиялъул иш къануналде данде кколареб хIалалъ тIобитIиялда бан республикаялъул лъайкьеялъул министр тамихIалде цIан вуго. Россиялъул цойгидал регионазда гьоркьоб, гьединаб къайи босиялъул къагIидаби хвезариялъул рахъалъ Дагъистаналъ кколеб буго лъабабилеб бакI.

Загрузить еще

XS

SM

MD

LG